سی ٹی ڈی حیدرآباد کی کارروائی، کالعدم ایس آر اے کا خطرناک دہشت گرد گرفتار

سی ٹی ڈی حیدرآباد نے کالعدم ایس آر اے کے انتہائی مطلوب دہشت گرد امام بخش خاصخیلی کو بارود اور ہتھیاروں سمیت گرفتار کر لیا۔

سی ٹی ڈی حیدرآباد نے کامیاب کارروائی کرتے ہوئے کالعدم تنظیم ایس آر اے کے انتہائی مطلوب دہشت گرد امام بخش خاصخیلی کو گرفتار کر لیا۔

سی ٹی ڈی حکام کے مطابق ملزم اس سے قبل بھی دہشت گردی کے متعدد مقدمات میں گرفتار ہو کر جیل جا چکا ہے اور علاقے میں دہشت کی علامت سمجھا جاتا تھا۔

یہ بھی پڑھیں : خیرپور میں بزرگ خاتون کی گائے کی ٹانگیں توڑنے پر 4 ملزمان کے خلاف مقدمہ درج، ایک گرفتار

گرفتار دہشت گرد کے قبضے سے ایک ہینڈ گرینیڈ، دیسی ساختہ بم، ڈیٹونیٹر، ریموٹ کنٹرول، بیٹری، سوئچنگ کورڈ اور ایس ایم جی کے 6 خالی خول برآمد کیے گئے ہیں۔

اس کارروائی کے بعد پولیس نے ملزم کے خلاف دہشت گردی، دھماکا خیز مواد رکھنے اور انسداد دہشت گردی ایکٹ کی سنگین دفعات کے تحت نئے مقدمات درج کر لیے ہیں۔

سی ٹی ڈی کی ابتدائی تفتیش کے دوران گرفتار دہشت گرد نے انکشاف کیا ہے کہ وہ اپنے دیگر ساتھیوں کے ساتھ مل کر حیدرآباد اور گردونواح میں بڑے پیمانے پر دہشت گردی کی منصوبے بندی کر رہا تھا۔ پولیس اب اس کے دیگر روپوش ساتھیوں کی گرفتاری کے لیے چھاپے مار رہی ہے۔