فیسکو ملازمین کی تنخواہوں اور الاؤنسز میں اضافہ

فیصل آباد الیکٹرک سپلائی کمپنی (فیسکو) کے ملازمین کے لیے بڑی خوشخبری سامنے آگئی ہے۔

فیسکو بورڈ نے وفاقی حکومت کے نئے پے اسکیلز اور مختلف الاؤنسز کو کمپنی میں نافذ کرنے کی منظوری دے دی ہے، اس فیصلے کے تحت ملازمین کی بنیادی تنخواہوں، کنوینس الاؤنس، ڈسپیرٹی ریڈکشن الاؤنس اور دیگر مالی مراعات میں نظرثانی کی جائے گی۔

فیسکو انتظامیہ کے مطابق ملازمین کی بنیادی تنخواہوں میں یکم جولائی 2026 سے نظرثانی کی جائے گی۔ اس اقدام کا مقصد وفاقی حکومت کی جانب سے منظور کیے گئے نئے پے اسکیلز اور مالی مراعات کو فیسکو ملازمین کے لیے بھی نافذ کرنا ہے، جس سے مختلف گریڈز میں کام کرنے والے ملازمین کی تنخواہوں میں اضافہ ہوگا۔

فیسکو میں ڈسپیرٹی ریڈکشن الاؤنس 2026 نافذ کرنے کی بھی منظوری دے دی گئی ہے۔ یہ الاؤنس ملازمین کو موجودہ مالی حالات میں تنخواہوں کے فرق کو کم کرنے اور ان کی مالی مراعات میں بہتری لانے کے لیے دیا جائے گا۔

اسی طرح BPS-01 سے BPS-22 تک کے فیسکو ملازمین کے کنوینس الاؤنس کی شرح میں بھی نظرثانی کی جائے گی۔ اس فیصلے سے مختلف گریڈز میں کام کرنے والے ملازمین کو پہلے سے زیادہ کنوینس الاؤنس ملنے کی راہ ہموار ہوگئی ہے۔

معذور ملازمین کے لیے بھی اہم فیصلہ کیا گیا ہے۔ فیسکو بورڈ نے خصوصی کنوینس الاؤنس میں اضافے کی منظوری دے دی ہے، جس سے معذور ملازمین کو سفری اخراجات کے حوالے سے اضافی مالی سہولت حاصل ہوگی۔

فیسکو کے مطابق وفاقی حکومت کے نئے پے اسکیلز اور الاؤنسز کمپنی میں یکم جولائی 2026 سے نافذ ہوں گے۔ اس طرح مذکورہ تاریخ سے ملازمین کو منظور شدہ نظرثانی شدہ تنخواہوں اور الاؤنسز کے مطابق مالی فوائد حاصل ہوں