محکمہ موسمیات نے ملک کے بیشتر علاقوں میں بارشوں کی پیشگوئی کردی

محکمہ موسمیات نے ملک کے بیشتر علاقوں میں آئندہ چند روز کے دوران مزید بارشوں کی پیشگوئی کردی ہے۔

محکمہ موسمیات کے مطابق 14 سے 17 ستمبر تک مختلف علاقوں میں گرج چمک کے ساتھ بارش اور بعض مقامات پر ژالہ باری کا امکان ہے۔ شہریوں کو موسمی صورتحال کے پیش نظر احتیاطی تدابیر اختیار کرنے کی ہدایت بھی کی گئی ہے۔

اسلام آباد میں گرج چمک کے ساتھ بارش ہوسکتی ہے۔ راولپنڈی، مری اور گلیات میں بھی بارش کی توقع ہے۔ پنجاب کے کئی دوسرے اضلاع میں بھی وقفے وقفے سے بارش ہونے کا امکان ظاہر کیا گیا ہے۔

پنجاب میں لاہور، سیالکوٹ، شیخوپورہ، نارووال اور گجرات میں بھی بارش متوقع ہے۔ گوجرانوالہ، وزیرآباد، قصور، اوکاڑہ اور ننکانہ صاحب سمیت مختلف علاقوں میں بھی بارش ہوسکتی ہے۔ بعض مقامات پر بارش کے ساتھ تیز ہوائیں اور گرج چمک بھی متوقع ہے۔

خیبرپختونخوا کے مختلف علاقوں میں بھی موسم تبدیل ہونے کا امکان ہے۔ پشاور، سوات، دیر، چترال، ملاکنڈ اور مردان میں بارش کی پیشگوئی کی گئی ہے۔ صوبے کے پہاڑی علاقوں میں موسمی صورتحال کے باعث سفر کرنے والوں کو خاص احتیاط کی ضرورت ہوگی۔

گلگت بلتستان اور آزاد کشمیر کے مختلف علاقوں میں بھی وقفے وقفے سے بارش کا امکان ہے۔ مری، گلیات اور کشمیر کے پہاڑی علاقوں میں بارش کے بعد لینڈ سلائیڈنگ کا خطرہ بھی ظاہر کیا گیا ہے۔ ایسے علاقوں میں سفر کرنے والے افراد کو موسم اور سڑکوں کی صورتحال پر نظر رکھنے کا مشورہ دیا گیا ہے۔

سندھ کے مختلف شہروں میں بھی بارش متوقع ہے۔ محکمہ موسمیات کے مطابق کراچی، حیدرآباد، سکھر اور لاڑکانہ میں بارش ہوسکتی ہے۔ بلوچستان کے اضلاع ژوب، بارکھان اور موسیٰ خیل میں بھی بارش کا امکان ظاہر کیا گیا ہے