ازبکستان میں پاکستان، ترکیہ و دیگر ممالک کی کثیرملکی مشترکہ مشق کامیابی سے مکمل

ازبکستان میں پاکستان، ترکیہ، آذربائیجان اور ازبکستان کی اسپیشل فورسز کی کثیرملکی مشترکہ مشق ایٹرنل برادرہُڈ 5 کا کامیاب انعقاد کیا گیا۔

ازبکستان میں پاکستان، ترکیہ، آذربائیجان اور ازبکستان کی اسپیشل فورسز کی مشترکہ مشق ایٹرنل برادرہُڈ 5 کا باضابطہ انعقاد کیا گیا۔

اس کثیرملکی اسپیشل فورسز کی مشق میں پاکستان سمیت 5 ممالک کے فوجی دستوں نے بھرپور انداز میں شرکت کی ہے، جبکہ 13 سے 25 ستمبر تک منعقد ہونے والی ان اسپیشل فورسز کی مشقوں میں قازقستان نے بطور مبصر ملک شرکت کی۔

یہ بھی پڑھیں : ٹانک میں غیر ارادی دھماکے سے خودکش حملہ آور ہلاک

اس مشترکہ مشق کا بنیادی مقصد تمام شریک ممالک کی اسپیشل فورسز کے درمیان باہمی تعاون، مؤثر رابطہ کاری اور پیشہ ورانہ صلاحیتوں میں مزید اضافہ کرنا تھا۔

اس مشترکہ مشق کے دوران شریک فورسز نے جدید ترین آپریشنز، جدید جنگی حکمت عملی اور موجودہ سیکیورٹی چیلنجز سے مؤثر طریقے سے نمٹنے کے لیے اپنے قیمتی تجربات کا ایک دوسرے کے ساتھ تبادلہ کیا۔

ایٹرنل برادرہُڈ 5 نامی یہ مشق دراصل شریک ممالک کے درمیان روز بروز بڑھتے ہوئے دفاعی و سیکیورٹی تعاون، باہمی گہرے اعتماد اور مضبوط فوجی تعلقات کی بہترین عکاسی کرتی ہے۔