واٹس ایپ کے نئے ریسٹریکٹڈ چیٹ فیچر کو استعمال کرنے کا آسان طریقہ سامنے آگیا

واٹس ایپ نے صارفین کی پرائیویسی مزید بہتر بنانے کیلئے ایک نیا سکیورٹی فیچر متعارف کروایا ہے۔ اسے ریسٹریکٹڈ چیٹ کا نام دیا گیا ہے۔ یہ فیچر صارفین کو مخصوص چیٹس کو مزید محفوظ رکھنے کی سہولت دے گا۔

ریسٹریکٹڈ چیٹ دراصل واٹس ایپ کے ایڈوانس چیٹ پرائیویسی فیچر کا حصہ ہے۔ اس کے ذریعے صارف کسی خاص چیٹ کو محدود کرسکتا ہے۔ فیچر فعال ہونے کے بعد اس چیٹ تک پرائمری فون کے علاوہ دوسرے لنکڈ ڈیوائسز سے رسائی نہیں ہوگی۔

رپورٹ کے مطابق یہ سہولت فی الحال اینڈرائیڈ کیلئے واٹس ایپ کے نئے بیٹا ورژن میں آزمائی جا رہی ہے۔ یہ ایک اختیاری فیچر ہے۔ یعنی صارف کو اسے خود فعال کرنا ہوگا۔ یہ بائی ڈیفالٹ بند رہے گا۔

ریسٹریکٹڈ چیٹ کیسے فعال کریں؟

اس فیچر کو ہر چیٹ کیلئے الگ سے آن کرنا ہوگا۔ اس کیلئے سب سے پہلے مطلوبہ چیٹ کھولیں۔ اس کے بعد اوپر موجود صارف کے نام پر کلک کریں۔ اس طرح چیٹ انفو اسکرین کھل جائے گی۔

چیٹ انفو میں نیچے کی طرف جائیں۔ یہاں ریسٹریکٹڈ چیٹ کا آپشن دکھائی دے گا۔ اس آپشن پر کلک کرکے فیچر کو فعال کیا جاسکتا ہے۔ اس کے بعد متعلقہ چیٹ پر نئی سکیورٹی پابندیاں لاگو ہوجائیں گی۔

فی الحال یہ سہولت صرف انفرادی چیٹس کیلئے دستیاب ہے۔ گروپ چیٹس کو ریسٹریکٹ کرنے کا آپشن ابھی شامل نہیں کیا گیا۔ جب کسی چیٹ کو ریسٹریکٹ کیا جائے گا تو اس کا اثر چیٹ میں شامل دونوں افراد پر ہوگا۔

ریسٹریکٹڈ چیٹ فعال ہونے کے بعد اس گفتگو کی میڈیا فائلز خودکار طور پر فون کی گیلری میں محفوظ نہیں ہوں گی۔ اس کے علاوہ چیٹ میں موجود افراد گفتگو کو ایکسپورٹ بھی نہیں کرسکیں گے۔

اس فیچر کے فعال ہونے پر متعلقہ چیٹ میں میٹا اے آئی کی سہولیات بھی بند ہوجائیں گی۔ مزید اہم بات یہ ہے کہ ریسٹریکٹ کی گئی چیٹ کو پرائمری ڈیوائس کے علاوہ کسی لنکڈ ڈیوائس پر نہیں کھولا جاسکے گا۔

واٹس ایپ کے موجودہ ایڈوانسڈ چیٹ پرائیویسی فیچر سے کچھ مختلف ہے۔ پرانے فیچر کے تحت محفوظ کی گئی چیٹس اب بھی لنکڈ ڈیوائسز پر دستیاب رہ سکتی ہیں۔ ریسٹریکٹڈ چیٹ میں اس حوالے سے مزید سخت پابندیاں شامل کی گئی ہیں۔

فیچر کب تک تمام صارفین کو ملے گا؟

ریسٹریکٹڈ چیٹ فی الحال بیٹا ورژن میں آزمائشی مرحلے میں ہے۔ اس لیے ابھی یہ واضح نہیں کہ اسے عام صارفین کیلئے کب جاری کیا جائے گا۔ بیٹا ٹیسٹنگ کے دوران واٹس ایپ اس فیچر میں مزید تبدیلیاں بھی کرسکتا ہے۔