نگراں وزیراعلیٰ سندھ کا آئی جی کو اسٹریٹ کرائم کیخلاف فیصلہ کن آپریشن کا حکم

کراچی : نگراں وزیراعلیٰ سندھ نے جسٹس مقبول باقر نے آئی جی سندھ کو اسٹریٹ کرائم کیخلاف فیصلہ کن آپریشن کرنے کا حکم دے دیا ۔

جسٹس (ر) مقبول باقر کی زیرصدارت نگراں کابینہ کا اجلاس منقعد ہوا،اس اجلاس میں صوبائی وزرا، چیف سیکریٹری ، آئی جی رفعت مختار، پرنسپل سیکریٹری ودیگر شریک اہم افسران شریک تھے۔

اجلاس میں آئی جی سندھ نے کابینہ کو صوبے میں امن و امان کی صورتحال پر بریفنگ دی،اس اجلاس میں کچے میں پولیس ، ر ینجرز اور آرمی کیساتھ آپریشن کا فیصلہ کیا گیا ۔

نگران وزیراعلیٰ نے حکم دیا کہ کچے کے علاقے میں انٹرنیٹ کی سہولت فوری ختم کی جائے۔

اجلاس میں ڈرگ مافیا کے خلاف سخت آپریشن کرنے کا فیصلہ بھی کیا گیا، آپریشن اینٹی نارکوٹکس کنٹرول فورس کیساتھ مل کر کیا جائے گا۔

نگراں وزیراعلیٰ سندھ کا کہنا تھا کہ شہریوں کو تحفظ دینا حکومت کا کام ہے، کوئی شخص موبال فون لیکر نکل نہیں سکتا،یہ صورتحال کسی صورت قابل قبول نہیں۔

 یہ پڑھیں : پرُاسرارفائرنگ : کراچی میں 7سالہ بچی گولی لگنے سے جاں بحق