بھارتی مصنوعات کاپاکستانی آئی ٹی انڈسٹری میں استعمال کا خوفناک انکشاف

اسلام آباد : بھارتی مصنوعات کاپاکستانی آئی ٹی انڈسٹری،فن ٹیک اور بینکنگ سیکٹر میں استعمال کا انکشاف ہوا ہے ۔

بھارتی مصنوعات کےذریعے آئی ٹی سیکٹر میں براہ راست بھارتی مداخلت کا خدشہ ہے ،جس کے بعدوفاقی حکومت نے تمام وفاقی وزارتوں ،ڈویژنز اورصوبوں کو مراسلہ بھجوادیا ہے۔

ذرائع کے مطابق آئی ٹی سیکٹرزکی کچھ کمپنیاں،بینکس بھارتی نژاد کمپنیوں سے آئی ٹی مصنوعات خریدتے ہیں، ان مصنوعات میں ملیویئر وائرس کی موجودگی کا امکان ہے۔

ذرائع کے مطابق بھارتی کمپنیوں کی مصنوعات سے پاکستانی بینکنگ سیکٹر کی اہم معلومات کو خطرہ ہے۔

وفاقی حکومت کے مراسلے میں بھارتی منصوعات کا استعمال ترک کرنے کی سفارش کی گئی ہے۔

پاکستانی صارفین کوبھارتی نژاد آرٹیفیشل انٹیلی جنس مصنوعات کے استعمال سے گریز کا مشورہ دیا گیا ہے اورمتبادل مصنوعات کیلئےپاکستان سافٹ ویئر ہاؤس سے مشورہ کرنے کی تجویزدی گئی ہے۔

یہ پڑھیں : پاکستانی خفیہ اداروں نے ایک اور بھارتی فالس فلیگ آپریشن کا بھانڈہ پھوڑ دیا