فلسطین اور اسرائیل کے درمیان بڑھتے تشدد پر صدر عارف علوی کا اظہار تشویش

اسلام آباد: عارف علوی کا کہنا ہے کہ صورتحال فوری جنگ بندی کا مطالبہ کرتی ہے، فلسطین اور اسرائیل کے درمیان تصادم سے عوام کی مشکلات میں مزید اضافہ ہوگا۔

صدر مملکت عارف علوی نے فلسطین اور اسرائیل میں بڑھتے تشدد پرسخت تشویش کا اظہار کرتے ہوئے کہا ہے کہ خونریزی اور انسانی جانوں کے مزید نقصان کو روکنے کیلئے تحمل کا مظاہرہ کیا جانا چاہیے۔

یہ بھی پڑھیں: حماس نے جو ہمارے ساتھ کیا ہم اس کا بدلہ طاقت سے لیں گے: اسرائیلی وزیراعظم

عارف علوی کا کہنا تھا کہ صورتحال فوری جنگ بندی کا مطالبہ کرتی ہے، فلسطین اور اسرائیل کے درمیان تصادم سے عوام کی مشکلات میں مزید اضافہ ہوگا۔

یہ بھی پڑھیں: فلسطینی عوام آبادکاروں کی دہشتگردی اور قابض افواج کیخلاف اپنا دفاع کریں: صدر محمود عباس

انہوں نے زور دیا کہ بین الاقوامی برادری فریقین کو لڑائی مزید بڑھانے سے روکنے کیلئے اپنا کردار ادا کرے، بین الاقوامی برادری یو این قراردادوں کے مطابق دیرینہ تنازعے کے حل کیلئے کام کرے۔