نوازشریف آرہا ہے، معاشی بحالی کا حل بھی ساتھ لارہا ہے: مریم نواز

لاہور: مریم نواز کا کہنا ہے کہ نوازشریف آرہا ہے، معاشی بحالی کا حل ساتھ لارہا ہے، مہنگائی سے نجات دلانے میں نوازشریف کے سوا سب نااہل ثابت ہوئے۔

چیف آرگنائزر (ن) لیگ مریم نواز نے حلقہ این اے 134 کی یونین کونسل کے عہدیداروں سے ملاقات کی، ملاقات میں پارٹی رہنماؤں، کارکنوں سے 21اکتوبر کی تیاریوں پر مشاورت ہوئی۔

مریم نواز کا کہنا ہے کہ عوام کی خدمت میں صرف نوازشریف اہل قرار پائے ہیں، مہنگائی سے نجات دلانے میں نوازشریف کے سوا سب نااہل ثابت ہوئے۔

یہ بھی پڑھیں: نواز شریف پاکستان کو معاشی قوت بنانے آرہے ہیں: مریم نواز

ان کا کہنا تھا کہ نوازشریف آرہا ہے، معاشی بحالی کا حل ساتھ لارہا ہے، نوازشریف وزیراعظم تھے تو آٹا، گھی، چینی سب سستی ملتی تھی، مہنگائی کو ایک ہی شخص نے ختم کیا وہ ہے نواز شریف۔