گوادر میں دہشتگردوں کا سیکیورٹی فورسز کی گاڑیوں پر حملہ، 14 اہلکار شہید

گوادر: اورماڑہ میں دہشتگردوں نے سیکیورٹی فورسز کی گاڑیوں پر حملہ کیا جس کے نتیجے میں 14 سیکیورٹی اہلکار شہید ہوگئے۔

آئی ایس پی آر کے مطابق گوادر کے علاقے اورماڑہ میں دہشتگردوں نے حملہ کرتے ہوئے سیکیورٹی فورسز کی گاڑیوں کو نشانہ بنایا۔

آئی ایس پی آر کا کہنا ہے کہ دہشتگردوں کی فائرنگ سے 14 سیکیورٹی اہلکار شہید ہوگئے ہیں۔

یہ بھی پڑھیں: ایرانی سرحد سے دہشتگردوں کا حملہ، 4 اہلکار شہید : آئی ایس پی آر

آئی ایس پی آر نے کہا کہ حملے میں ملوث عناصر کو ڈھونڈ کر کیفر کردار تک پہنچایا جائے گا، سیکیورٹی فورسز دہشتگردی کے خاتمے کیلئے پرعزم ہیں، بہادر جوانوں کی قربانیاں ہمارے عزم کو مزید مضبوط کرتی ہیں۔

آئی ایس پی آر کے مطابق سیکیورٹی فورسز کا علاقے میں سرچ آپریشن جاری ہے۔