بنوں میں افغان شہری کا خودکش دھماکا، 2 شہری شہید

بنو: خودکش دھماکے سے خود کو اڑانے والا بمبار افغان شہری نکلا، دھماکے میں 2 شہری شہید، 3 فوجیوں سمیت 10 افراد زخمی ہوئے۔

آئی ایس پی آر کے مطابق 26 نومبر کو بنوں کے علاقے بکا خیل میں خودکش دھماکے میں موٹر سائیکل سوار نے خود کو اڑایا، خود کش بمبار نے سیکیورٹی فورسز کے قافلے کو نشانہ بنایا۔

آئی ایس پی آر کا کہنا ہے کہ خودکش دھماکے میں 2 شہری شہید، 3 فوجیوں سمیت 10 افراد زخمی ہوئے، خودکش بمبار کا تعلق حافظ گلبہار گروپ سے تھا، خودکش بمبار کی شناخت افغان شہری کے طور پر ہوئی۔

یہ بھی پڑھیں: جنوبی وزیرستان : سکیورٹی فورسز کے آپریشن میں 8 دہشتگرد جہنم واصل

آئی ایس پی آر کے مطابق علاقے میں ممکنہ دہشت گردوں کے خاتمے کیلئے کلیئرنس آپریشن جاری ہے۔

آئی ایس پی آر کا کہنا ہے کہ سیکیورٹی فورسز دہشتگردی کے خاتمے کیلئے پر عزم ہیں، بہادر شہریوں اور جوانوں کی قربانیاں ہمارے عزم کو تقویت دیتی ہیں۔