فیض آباد دھرنا کیس: کمیشن نے تحقیقات کیلئے شاہد خاقان عباسی کو سوالنامہ دیدیا

اسلام آباد: فیض آباد دھرنا کمیشن نے تحقیقات کیلئے شاہد خاقان عباسی کو سوالنامہ دے دیا۔

ذرائع کے مطابق دھرنا کمیشن کی جانب 4 صفحات پر مشتمل سوالنامہ شاہد خاقان عباسی کو دیا گیا ہے۔

اس حوالے سے سابق وزیراعظم شاہد خاقان عباسی کا کہنا تھا کہ مجھے کمیشن کی جانب سے ایک ٹیلی فون کال پر بلایا گیا تھا، کمیشن جنرل تحقیقات کر رہا ہے جو ہوا بطور وزیر اعظم میری ذمہ داری تھی۔

یہ بھی پڑھیں: فیض آباد دھرنا کیس؛ انکوائری کمیشن کا پیمرا سے ویڈیو ریکارڈ لینے کا فیصلہ

ان کا کہنا تھا کہ دھرنا ختم کرنے کیلئے معاہدہ حکومت کی جانب سے کیا گیا، دھرنے میں اگر کسی نے قانون توڑا تو قانونی کارروائی ہونی چاہیئے۔

انہوں نے کہا کہ معاہدے کا ڈرافٹ میں نے نہیں دیکھا ختم کرانے کا فیصلہ حکومت کا تھا۔