مسلم لیگ (ن) پنجاب میں کلین سوئپ کرے گی: راجا ریاض

اسلام آباد: راجا ریاض کا کہنا ہے کہ مسلم لیگ (ن) پنجاب میں کلین سوئپ کرے گی، مسلم لیگ (ن) پنجاب سے بہت زیادہ سیٹیں لے گی۔

رہنما (ن) لیگ راجا ریاض کا جی ٹی وی کے پروگرام "جی فور غریدہ” میں گفتگو کرتے ہوئے کہنا تھا کہ حالات کے مطاق سیاست میں فیصلہ کرنا پڑھتا ہے، ہمیں ہر چیز کو دیکھ کر فیصلہ کرنا ہے، مسلم لیگ (ن) پنجاب میں کلین سوئپ کرے گی، مسلم لیگ (ن) پنجاب سے بہت زیادہ سیٹیں لے گی۔

راجا ریاض کا کہنا تھا کہ ملک کی بہتری کیلئے تمام صوبوں سے لوگوں کو ملا رہے ہیں، پاکستان کی ترقی کے لیے اقدامات کرنے ہوں گے، عوام کے ریلیف کے لیے آئین میں ترمیم کریں گے، ہمارا مقصد بے روزگاری کا خاتمہ اور غریب آدمی کو ریلیف دینا ہے۔

یہ بھی پڑھیں: پیپلز پارٹی ہماری چوائس نہیں، (ن) لیگ ہے: مصطفیٰ کمال

ان کا کہنا تھا کہ الیکشن 8 فروری کو ہی ہوں گے، آگے نہیں بڑھ سکتے، ہمیں ٹکٹوں پر کوئی اختلاف نہیں جہاں ہوگا قیادت بات کرے گی، بورڈ جو فیصلہ کرے گا مجھے منظور ہوگا۔