کاغذات چھیننے، مظاہرین پر وحشیانہ تشدد پر حکام کو توجہ دینی چاہیئے: صدر مملکت

اسلام آباد: عارف علوی کا کہنا ہے کہ سابق وزیر خارجہ سے غیر مہذب سلوک جیسے واقعات پر حکام کو توجہ دینی ہوگی، محض یہ کہہ دینا کہ ایسے واقعات پہلے بھی رونما ہوئے کافی نہیں۔

صدر مملکت عارف علوی کا اپنے ایک ٹوئٹر بیان میں کہنا تھا کہ ہمیں ایسی ریاست نہیں بننا چاہیئے جہاں انسانی حقوق اور وقار کو پامال کیا جائے، کاغذات چھیننے، مظاہرین پر وحشیانہ کارروائی پر حکام کو توجہ دینی چاہیئے۔

عارف علوی نے کہا کہ سابق وزیر خارجہ سے غیر مہذب سلوک جیسے واقعات پر حکام کو توجہ دینی ہوگی، محض یہ کہہ دینا کہ ایسے واقعات پہلے بھی رونما ہوئے کافی نہیں۔

یہ بھی پڑھیں: پولیس نے شاہ محمود قریشی کو ایک بار پھر گرفتار کرلیا

ان کا کہنا تھا کہ پاکستان کو بدلنا ہوگا، بحیثیت قوم اگر متفق ہیں تو شروعات ابھی سے کریں۔