پی ٹی آئی نے انتخابی نشان کے حصول کیلئے سپریم کورٹ سے رجوع کرلیا

اسلام آباد: پاکستان تحریک انصاف نے انتخابی نشان "بلے” کے حصول کیلئے سپریم کورٹ سے رجوع کرلیا ہے۔

پی ٹی آئی نے پشاور ہائیکورٹ کے فیصلے کیخلاف سپریم کورٹ میں اپیل دائر کردی ہے۔

درخواست میں مؤقف اختیار کیا گیا کہ الیکشن کمیشن کی درخواست قابل سماعت ہی نہیں تھی، دیگر سیاسی جماعتوں کے برعکس پی ٹی آئی سے امتیازی سلوک کیا جا رہا ہے، الیکشن کمیشن نے انتخابی نشان واپس لیتے وقت شواہد کو مدنظر نہیں رکھا، بغیر شواہد فیصلہ کر کے بلے کا انتخابی نشان چھینا گیا۔

یہ بھی پڑھیں: تحریک انصاف کا بلا پھر چھن گیا، پشاور ہائیکورٹ نے حکم امتناع واپس لے لیا

درخواست میں کہا گیا ہے کہ پشاور ہائیکورٹ نے بھی فیصلے میں حقائق کو مدنظر نہیں رکھا، پشاور ہائیکورٹ کے فیصلے میں قانونی تقاضے پورے نہیں کیے گئے۔

درخواست میں استدعا کی گئی کہ پشاور ہائیکورٹ کا عبوری حکم کالعدم قرار دیا جائے۔