مولانا مسعود الرحمان قتل کیس میں بڑی پیشرفت، ملزمان کا سراغ لگالیا گیا

اسلام آباد: ڈپٹی جنرل سیکریٹری سنی علماء کونسل مولانا مسعود الرحمان عثمانی قتل کیس میں بڑی پیشرفت سامنے آئی ہے۔

پولیس ذرائع کے مطابق وفاقی پولیس نے ملوث ملزمان کا سراغ لگالیا ہے، ٹارگٹ کلنگ میں ابتدائی طور پر 4 ملزمان ملوث ہیں۔

پولیس ذرائع کا کہنا ہے کہ ملزمان کا تعلق ایک مذہبی کالعدم تنظیم سے بتایا گیا ہے، آئندہ چند دنوں میں ملزمان کی گرفتاری متوقع ہے۔

یہ بھی پڑھیں: سنی علماء کونسل کے مولانا مسعود الرحمان عثمانی قاتلانہ حملے میں جاں بحق

پولیس ذرائع نے بتایا کہ ملزمان نے راولپنڈی سے علامہ مسعود الرحمان کا پیچھا کیا تھا۔