سیکیورٹی فورسز کا ژوب میں آپریشن، 7 دہشتگرد ہلاک

ژوب: بلوچستان کے ضلع ژوب میں پاک افغان سرحد کے قریب فورسز نے آپریشن کیا جس دوران فائرنگ کے تبادلے میں 7 دہشتگرد ہلاک ہوگئے۔

آئی ایس پی آر کے مطابق آپریشن ژوب کے علاقے سمبازا سیکٹر میں کیا گیا، مارے گئے دہشتگرد فورسز کے خلاف دہشتگرد کارروائیوں اور معصوم شہریوں کے قتل میں ملوث تھے۔

یہ بھی پڑھیں: سیکیورٹی فورسز کا ضلع ٹانک میں آپریشن، 7 دہشتگرد ہلاک

آئی ایس پی آر کا کہنا ہے کہ مارے گئے دہشت گردوں کے قبضے سے اسلحہ اور گولہ بارود بھی برآمد کرلیا گیا۔

آئی ایس پی نے کہا کہ علاقے میں موجود دیگر دہشتگردوں کے خاتمے کے لئے کلیئرنس آپریشن جاری ہے۔