پنجاب میں نمونیہ سے 24 گھنٹے کے دوران 12 بچوں کی اموات

لاہور: خشک سردی کے باعث پنجاب میں نمونیہ وبائی صورت اختیار کرگیا ہے، 24 گھنٹے کے دوران صوبے میں 12 بچوں کی اموات رپورٹ ہوئیں۔

پنجاب میں جنوری کے دوران نمونیہ سے انتقال کرنے والے بچوں کی تعداد 220 ہوگئی ہے۔

گوجرانوالہ سے 3، بہاولپور سے 2 بچوں کی ہلاکتیں ہوئیں، راولپنڈی سے دو، فیصل آباد، شیخوپورہ سے ایک ایک موت رپورٹ ہوئی۔

یہ بھی پڑھیں: قومی ادارہ صحت نے کالی کھانسی کے پھیلاؤ کے خدشات ظاہر کردیے

پنجاب سے 24 گھنٹوں کے دوران 1077 بچے نمونیہ میں مبتلا ہوئے۔