عوام کو بجلی کا جھٹکا، نیپرا نے بجلی 7 روپے 5 پیسے فی یونٹ مہنگی کردی

نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں بڑا اضافہ کر دیا۔ 

نیپرا نے بجلی کی قیمتوں میں اضافے کا نوٹیفکیشن جاری کر دیا ہے جس کے مطابق ایک ماہ کیلئے بجلی 7 روپے 5 پیسے فی یونٹ مہنگی کر دی گئی ہے۔

نیپرا کے مطابق بجلی جنوری کی فیول پرائس ایڈجسٹمنٹ کی مد میں مہنگی کی گئی ہے۔

نیپرا نوٹیفکیشن میں کہا گیا ہے کہ اضافہ مارچ کے بلوں میں وصول کیا جائے گا۔

بجلی کی قیمتوں میں اضافے سے صارفین پر جی ایس ٹی سمیت 66 ارب روپے کا اضافی بوجھ پڑے گا۔

 یہ بھی پڑھیں: چیئرمین نیپرا کا جنوری کی بھاری فیول پرائس ایڈجسٹمنٹ کی تحقیقات کا حکم

 واضح رہے کہ بجلی کی قیمت میں اضافے کا اطلاق کے الیکٹرک صارفین پرنہیں ہوگا۔