وفاق کے ساتھ ورکنگ ریلیشن رکھیں گے،وزیراعلیٰ علی امین گنڈا پور

پشاور: وزیر اعلیٰ خیبر پختونخوا علی امین گنڈا پور نے کہا ہےکہ وفاق سے سیاسی اور نظریاتی اختلاف رہے گا لیکن ان کے ساتھ ورکنگ ریلیشن رکھیں گے۔

وزیر اعلیٰ خیبر پختونخوا علی امین گنڈاپور نے کابینہ کے پہلے اجلاس سے خطاب کرتے ہوئے کہا کہ تمام ارکان کو پہلے اجلاس میں خوش آمدید اور مبارکباد پیش کرتا ہوں، تجربہ کار اور نئے ممبران پر مشتمل ایک اچھی کابینہ تشکیل دی گئی۔

وزیر اعلیٰ کے پی نے کہا کہ مشکل حالات میں ہمیں بڑی ذمے داری ملی ، ہمیں ایک ٹیم کی طرح کام کرنا ہے،ہم نے بڑے بڑے کاموں پر توجہ دینی ہے، ہمارے تمام کام اور فیصلے میرٹ کی بنیاد پر ہوں گے۔

علی امین نے کہا کہ کارکردگی دکھانی ہوگی، عوامی توقعات کے مطابق ڈیلیور کرنا ہوگا، صوبے کی ترقی اور عوام کی فلاح و بہبود ہماری ترجیح ہوگی۔

یہ پڑھیں : ساڈا حق ایتھے رکھ، نامزد وزیر اعلیٰ علی امین گنڈاپور نے نعرہ لگادیا