کرسٹیانو رونالڈو نے روتے مداح سے ملنے کی تلاش شروع کر دی

پرتگال کے عظیم فٹبالر کرسٹیانو رونالڈو نے روتے ہوئے مداح کو تلاش کرنے کیلئے سوشل میڈیا پر سے مدد مانگ لی۔

تفصیلات کے مطابق پرتگال کے کرسٹیانو رونالڈو جو اپنے مداحوں کیلئے نرم جگہ رکھنے کیلئے جانے جاتے ہیں، جنہوں نے روتے ہوئے مداح کو تلاش کرنے کے لیے سوشل میڈیا سے مدد مانگی ہے۔

22 اکتوبر کو سوشل میڈیا پر ایک معمر مداح کی ویڈیو وائرل ہوئی جو النصر اور ایسٹغلال کے درمیان اے ایف سی چیمپیئن شپ میچ کے دوران اپنے پسندیدہ فٹ بالر کو اسکرین پر دیکھ کر رونے لگا۔

مزید پڑھیں:یوٹیوب سبسکرائبرز؛ رونالڈو کو ٹکر دینے کیلئے میسی سے تعاون مانگ لیا

روتے ہوئے مداح نے  النصر کٹ پہنرکھی تھی اور خوشی کے آنسو بہا رہے تھے۔ ان کی غیر مشروط حمایت نے 5 بار بیلن ڈی اور جیتنے والے کی توجہ اپنی جانب مبذول کروائی، جنہوں نے مداح سے ملنے کی خواہش کا اظہار کیا اور ذاتی طور پر ان کی غیر متزلزل تعریف کیلئے ان کا شکریہ ادا کیا۔

گزشتہ برسوں کے دوران رونالڈو نے اپنے مداحوں کے ساتھ متعدد یاد گار بات چیت کی ہے اور یہ پہلا موقع نہیں ہے جب انہوں نے کسی خاص مداح کو تلاش کرنے کے لئے اپنے پلیٹ فارم کا استعمال کیا ہے۔