فی تولہ سونے کی قیمت میں بڑی کمی ریکارڈ

ملک میں فی تولہ سونے کی قیمت میں آج 900 روپے کی کمی ہوئی ہے۔

آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونے کا بھاؤ 900 روپے کی کمی کے بعد 2 لاکھ 83 ہزار 400 روپے پر آگیا۔

ایسوسی ایشن کے مطابق 10 گرام سونے کی قیمت 771 روپے گھٹ کر 2 لاکھ 42 ہزار 970 روپے ہوگئی جب کہ فی تولہ چاندی 3350 روپے پر برقرار ہے۔

اس کے علاوہ عالمی صرافہ مارکیٹ میں دن کے دوران 9 ڈالر کی کمی سے فی اونس سونے کا نرخ 2739 ڈالر مقرر کیا گیا ہے۔

یہ بھی پڑھیں: پاکستان اسٹاک مارکیٹ پہلی بار 91 ہزار کی حد عبور کر گیا

واضح رہے کہ گزشتہ روز ملک میں فی تولہ سونے کی قیمت میں 2000 روپے کا اضافہ ہوا تھا۔