شہر بانو نقوی ایشیا سوسائٹی فیلو شپ میں منتخب پہلی پاکستانی خاتون افسر بن گئیں

لاہور میں خاتون کو بلوائیوں سے بچانے سے شہرت پانے والی خاتون پولیس افسر شہر بانو نقوی کو ایشیا سوسائٹی 21 نیکسٹ جنریشن فیلو شپ کیلئے منتخب کر لیا گیا۔

ترجمان پنجاب پولیس کے مطابق ایشیا سوسائٹی نے اے ایس پی شہربانو کو کلاس آف 2025 کیلئے منتخب کیا،  اے ایس پی شہر بانو نقوی اس فیلو شپ کے لیے منتخب ہونے والی پاکستان کی تاریخ کی پہلی خاتون پولیس افسر بن گئیں۔

آئی جی پنجاب ڈاکٹر عثمان انور کا کہنا ہے کہ پنجاب پولیس کے افسران کی کارکردگی کی عالمی سطح پر پزیرائی فخر کی بات ہے۔

واضح رہے کہ ایشیا 21 نیکسٹ جنریشن کانفرنس رواں سال 5 تا 7 دسمبر کو فلپائن میں منعقد ہوگی۔