بلاول بھٹو زرداری کی پی ٹی آئی کارکنان کے صحافی پر حملے کی سخت مذمت

چیئرمین پاکستان پیپلز پارٹی بلاول بھٹو زرداری نے اسلام آباد میں پی ٹی آئی کے کارکنوں کی جانب سے صحافی  پر حملے کی سخت مذمت کی ہے۔

اپنے ایک بیان میں ان کا کہنا تھا کہ اڈیالہ جیل کے باہر تحریکِ انصاف کے کارکنوں کے صحافیوں پر تشدد پر سخت مذمت کرتا ہوں۔

بلاول بھٹو زرداری نے کہا سینیئر صحافی طیب بلوچ پر تحریکِ انصاف کے کارکنوں کے تشدد پر سخت الفاظ میں مذمت کرتا ہوں۔

ان کا کہنا تھا کہ تحریکِ انصاف کے کارکنوں کا یہ رویہ نا قابلِ برداشت ہے، تشدد کی ایسی کارروائیاں آزاد صحافت کی بنیاد کو نقصان پہنچاتی ہیں۔

ان کا کہنا تھا کہ آزادی صحافت جمہوری معاشرے کے لیے ضروری ہے، پاکستان پیپلز پارٹی نے ہمیشہ صحافیوں کے حق اور آزادی اظہار پر آواز اٹھائی ہے۔