ایران نے خلیج فارس میں آئل ٹینکر ’اوشین کوئی‘ قبضے میں لے لیا

تہران: ایران نے خلیج فارس میں “اوشین کوئی” (OCEAN KOI) نامی آئل ٹینکر کو قبضے میں لے لیا۔

ایرانی میڈیا کے مطابق ایرانی بحریہ نے خصوصی آپریشن کرتے ہوئے ٹینکر کو اپنی تحویل میں لیا۔

ایرانی حکام کے مطابق یہ کارروائی خلیج فارس میں کی گئی۔ ایران کا کہنا ہے کہ آئل ٹینکر ایران کی تیل برآمدات اور قومی مفادات کو متاثر کرنے کی کوششوں میں ملوث تھا، جس کے بعد اسے قبضے میں لیا گیا۔

ایرانی سرکاری ٹی وی نے آئل ٹینکر کو قبضے میں لینے کی ویڈیو بھی جاری کر دی ہے۔ ویڈیو میں ایرانی بحریہ کی کارروائی کے مناظر دکھائے گئے ہیں۔

تاحال اس معاملے پر عالمی برادری یا متعلقہ شپنگ کمپنی کی جانب سے باضابطہ ردعمل سامنے نہیں آیا، تاہم واقعے کے بعد خطے کی صورتحال پر نظر رکھی جا رہی ہے۔