ایرانی قوم کی تاریخی مزاحمت نے ملک کو فتح کے قریب پہنچا دیا، باقر قالیباف

باقر قالیباف نے کہا ہے کہ ایرانی قوم کی تاریخی مزاحمت نے ملک کو فتح کے بالکل قریب پہنچا دیا ہے، دشمن اپنے مذموم مقاصد میں پوری طرح ناکام ہو چکا ہے۔

ایران کی پارلیمنٹ کے اسپیکر باقر قالیباف کا کہنا ہے کہ دشمن ہر ممکن طریقے سے ایران کو تباہ کرنے اور ہمیں ان کے سامنے ہتھیار ڈالنے پر مجبور کرنے کے درپے تھے، لیکن ان کی تمام تر کوششیں رائیگاں گئیں اور دشمن اپنے کسی بھی مقصد میں کامیاب نہیں ہو سکا۔

یہ بھی پڑھیں : ڈیموکریٹس کی ٹرمپ کی ایران جنگ پر سخت تنقید، کانگریس کو بریفنگ دینے کا مطالبہ

انہوں نے مزید کہا کہ ہم اپنے اصولی مؤقف پر پوری مضبوطی کے ساتھ ثابت قدم ہیں اور قوم کی قربانیاں ضائع نہیں ہوں گی۔

باقر قالیباف نے یقین ظاہر کیا کہ اس طویل معرکے کے آخر میں حتمی اور مکمل فتح صرف اور صرف ایران ہی کی ہوگی کیونکہ قوم نے دباؤ کے سامنے جھکنے سے صاف انکار کر کے تاریخ رقم کی ہے۔