شہدا کے خون کا بدلہ ضرور لیا جائے گا، ایرانی سپریم لیڈر آیت اللہ مجتبیٰ خامنہ ای

ایرانی سپریم لیڈر آیت اللہ مجتبیٰ خامنہ ای کا کہنا ہے کہ شہدا کے خون کا بدلہ ضرور لیا جائے گا۔

ایرانی سپریم لیڈر آیت اللہ مجتبیٰ خامنہ ای نے امام حسینؑ کو خراج عقیدت پیش کرتے ہوئے کہا کہ امام حسینؑ کا انقلابی مشن رسالت محمدی کا اصل تسلسل ہے۔

انہوں نے کہا کہ نواسہ رسولﷺ کی قربانی نے تاریخ کے دھارے کو بدل دیا، امام حسینؑ کی گونج نے اسلامی انقلاب ایران کو جنم دیا، شہدا کے خون کا بدلہ ضرور لیا جائے گا، ناحق بہایا گیا خون ایرانی قوم کو نئی زندگی دے گیا۔

ایرانی سپریم لیڈر نے شہید رہنما کے مشن کو آگے بڑھانے کے عزم کا اظہار کرتے ہوئے کہا کہ شہید رہنما کے نظریات کی ہر قیمت پر حفاظت کی جائے گی۔

آیت اللہ مجتبیٰ خامنہ ای نے کہا کہ تعزیتی تقریبات میں شرکت پر عوام کا شکریہ ادا کرتا ہوں۔