شہزاد عطا الٰہی کا استعفیٰ منظور، منصور اعوان اٹارنی جنرل آف پاکستان تعینات

اسلام آباد: صدر مملکت ڈاکٹر عارف علوی نے بیرسٹر شہزاد عطا الٰہی کا اٹارنی جنرل کے عہدے سے استعفیٰ منظور کرلیا۔

گزشتہ دنوں اٹارنی جنرل شہزاد عطا الٰہی نے عہدے سے استعفیٰ دیا تھا۔

ایوان صدر کے مطابق صدر مملکت نے منصور عثمان اعوان کو اٹارنی جنرل آف پاکستان تعینات کیا ہے۔

یہ بھی پڑھیں: ‏اٹارنی جنرل پاکستان شہزاد عطا الہٰی عہدے سے مستعفیٰ

صدر مملکت نے تعیناتی کی منظوری آئین کے آرٹیکل 100 کے تحت وزیر اعظم کی ایڈوائس پر دی۔

نوٹیفکیشن کے مطابق اٹارنی جنرل منصور عثمان اعوان کا عہدہ وفاقی وزیر کے برابر ہوگا۔