میجر عدنان کی شہادت ، بہادری کی علامت، قوم کا سر فخر سے بلند

بنوں میں دہشت گردوں کے خلاف بہادری سے لڑتے ہوئے میجر عدنان نے جام شہادت نوش کیا ساتھ میں جرات اوربہادری کی تاریخ رقم کردی۔

میجر عدنان کی شہادت کو ان کے اہل خانہ نے بڑا اعزاز قرار دیا ہے۔ جام شہادت نوش کرنے والے میجر عدنان شہید کے اہل خانہ کا کہنا تھا کہ ’’آپ سب کو بہت مبارک ہو، آپ کا دوست شہید ہوگیا ہے۔

میجرعدنان شہید کے اہل خانہ کا کہنا تھا کہ سب کو پیغام دے دیں کہ ان کے والد اور ماموں نے کہا ہےکہ ایک اور بیٹا مادر وطن پر قربان ہو گیا۔

اہل خانہ کے مطابق میجر عدنان اللہ کی راہ میں  شہید ہوا، جس پر ہم پاک ذات کا شکر ادا کرتے ہیں، میجر عدنان شہید نے آخری دم تک دہشت گردوں کے خلاف بہادری سے لڑتےہوئے وطن کا دفاع کیا میجر عدنان شہید کی بہادری کی داستان تاریخ میں سنہری الفاظ میں لکھی جائے گی، میجر عدنان شہید آنے والی نسلوں کے لیے مشعل راہ  بن گئے۔