ایرانی ہیکرز نے ایف بی آئی ڈائریکٹر کا ای میل ہیک کر لیا

واشنگٹن: ایرانی ہیکرز نے دعویٰ کیا ہے کہ انہوں نے ایف بی آئی کے ڈائریکٹر کاش پٹیل کا ذاتی ای میل اکاؤنٹ ہیک کر لیا ہے۔

غیر ملکی میڈیا رپورٹس کے مطابق ایران سے وابستہ ہیکرز نے کہا ہے کہ انہیں ڈائریکٹر کے ای میل ان باکس تک رسائی حاصل ہو گئی ہے۔

رپورٹ کے مطابق ہیکرز نے اپنے دعوے کے ثبوت کے طور پر کچھ تصاویر اور دستاویزات بھی انٹرنیٹ پر شائع کی ہیں۔

ابھی تک امریکی حکام کی جانب سے اس معاملے پر کوئی باضابطہ تصدیق یا تردید سامنے نہیں آئی۔