سعودی عرب سے پاکستان کیلئے پروازوں کا بڑا اعلان

کویت ایئرویز یکم اپریل سے لاہور کے لیے دمام کے راستے اپنی پروازیں دوبارہ شروع کرنے جا رہی ہے۔ یہ پروازیں ہفتے میں دو دن، بدھ اور ہفتہ کو چلائی جائیں گی۔

کویت ایئرویز کے قائم مقام سی ای او عبدالوہاب الشطی نے کہا کہ یہ اقدام مسافروں کی آسانی اور آپریشنل مؤثریت کو مدنظر رکھتے ہوئے اٹھایا گیا ہے۔ ایئر لائن سعودی عرب کے رہائشیوں کے لیے ویزا درخواست کی سہولت بھی فراہم کر رہی ہے، جو صرف کویت ایئرویز کی پروازوں کی پیشگی بکنگ کے ساتھ دستیاب ہوگی۔

یہ فیصلہ خاص طور پر پاکستان اور سعودی عرب کے درمیان بڑھتی ہوئی سفری اور تجارتی ضروریات کو پورا کرنے کے لیے اہم قرار دیا جا رہا ہے۔ مسافروں کو مشورہ دیا گیا ہے کہ وہ اپنی پروازوں کی بکنگ جلد مکمل کریں تاکہ سہولت سے بھرپور فائدہ اٹھایا جا سکے۔