کیا اینڈرائیڈ فون آپ کی جاسوسی کر رہا ہے؟ اسکرین پر موجود اس ’سبز نقطے‘ کو کبھی نظر انداز نہ کریں

دنیا بھر میں اینڈرائیڈ اسمارٹ فونز سب سے زیادہ استعمال ہوتے ہیں کیونکہ یہ ایپل کے آئی فونز کے مقابلے میں سستے اور فیچرز کے لحاظ سے بھی کم نہیں ہوتے۔ تاہم صارفین میں اکثر یہ سوال پیدا ہوتا ہے کہ فون کی اسکرین کے اوپری دائیں کونے پر سبز رنگ کا چھوٹا نقطہ کیوں دکھائی دیتا ہے۔

اس حوالے سے جاننے والی بات یہ ہے کہ اس سبز ڈاٹ کو دیکھ کر پریشان ہونے کی ضرورت نہیں۔ یہ درحقیقت فون کا ایک حفاظتی فیچر ہے۔ یہ صارف کو اطلاع دیتا ہے کہ کوئی ایپ آپ کے کیمرے یا مائیکروفون تک رسائی حاصل کر رہی ہے۔

مثال کے طور پر اگر آپ یوٹیوب، فیس بک یا دیگر میڈیا ایپس استعمال کر رہے ہیں اور ویڈیو یا آڈیو فائل کھولتے ہیں تو سبز ڈاٹ خود بخود اسکرین کے اوپری حصے میں نمودار ہو جائے گا۔ اس کا مقصد صارف کی پرائیویسی کو محفوظ رکھنا ہے۔

اگر یہ ڈاٹ بغیر کسی وجہ کے ظاہر ہو رہا ہے تو اس کا مطلب یہ بھی ہو سکتا ہے کہ آپ کے فون میں کوئی اسپائی ویئر موجود ہے جسے فوری طور پر حذف کرنا ضروری ہے۔ اینڈرائیڈ 12 آپریٹنگ سسٹم میں یہ فیچر سب سے پہلے متعارف کروایا گیا تھا اور اب یہ تمام جدید اینڈرائیڈ فونز میں شامل ہے۔

اس بات پر بھی زور دیا گیا ہے کہ یہ فیچر ڈس ایبل نہیں کیا جا سکتا، تاکہ صارفین کی پرائیویسی ہمیشہ محفوظ رہے۔