ڈیرہ اسماعیل خان میں نامعلوم افراد کی فائرنگ سے ایک پولیس اہلکار شہید

ڈیرہ اسماعیل خان میں تھانہ یارک کے سامنے نامعلوم مسلح افراد کی اندھا دھند فائرنگ کے نتیجے میں ایک پولیس اہلکار عزیز نے جامِ شہادت نوش کر لیا ہے۔

ڈیرہ اسماعیل خان کے علاقے تھانہ یارک کے بالکل سامنے موٹر سائیکل پر سوار نامعلوم سنگدل مسلح افراد نے اچانک اور اندھا دھند فائرنگ کر دی، جس کی زد میں وہاں ڈیوٹی پر موجود پولیس اہلکار آ گیا۔

نامعلوم افراد کی اس بزدلانہ فائرنگ کے نتیجے میں ڈیوٹی پر مستعد ایک پولیس اہلکار شدید زخمی ہوا اور بعد میں زخموں کی تاب نہ لاتے ہوئے موقع پر ہی جام شہادت نوش کر گیا۔

یہ بھی پڑھیں : ڈیرہ مراد جمالی میں فائرنگ سے ایک مزدور جاں بحق اور ایک زخمی

اسپتال ذرائع اور پولیس حکام کے مطابق شہید ہونے والے اہلکار کی شناخت عزیز کے نام سے ہوئی ہے، جو کہ اسی علاقے کا رہائشی تھا۔

واقعے کے بعد ڈیرہ اسماعیل خان پولیس کی بھاری نفری، بشمول اعلیٰ سیکیورٹی افسران، موقع پر پہنچ گئی اور انہوں نے پورے علاقے کو گھیرے میں لے لیا۔

شہید اہلکار کی جسد خاکی کو ضروری قانونی کارروائی اور پوسٹ مارٹم کے لیے قریبی اسپتال منتقل کر دیا گیا ہے، جبکہ پولیس نے علاقے کی مکمل ناکہ بندی کر کے نامعلوم حملہ آوروں کی گرفتاری کے لیے ایک بہت بڑا سرچ آپریشن شروع کر دیا۔