ایران کی یورینیم امریکہ منتقل کر کے تباہ کرنا چاہتا ہوں، صدر ٹرمپ

امریکی صدر نے ایران کے جوہری پروگرام کے حوالے سے بیان دیتے ہوئے کہا ہے کہ وہ ایران کی تمام یورینیم امریکہ منتقل کر کے اسے مکمل طور پر تباہ کرنا چاہتے ہیں۔

امریکی صدر ڈونلڈ ٹرمپ نے ایران کے معاملے پر اپنے سخت مؤقف کا اظہار کرتے ہوئے کہا ہے کہ ان کی خواہش ہے کہ ایران کے پاس موجود تمام یورینیم کو امریکہ منتقل کیا جائے۔

یہ بھی پڑھیں : امریکہ کے جنوبی ایران پر فضائی حملے، میزائل لانچنگ پیڈز اور کشتیاں تباہ کرنے کا دعویٰ

امریکی صدر نے کہا کہ امریکہ کو اپنے استعمال کے لیے ایران کی یورینیم کی بالکل بھی ضرورت نہیں ہے، لیکن وہ یہ چاہتے ہیں کہ یہ یورینیم کسی بھی طرح ایران سے حاصل کر لی جائے اور امریکہ پہنچتے ہی اسے مکمل طور پر تلف اور تباہ کر دیا جائے۔

امریکی صدر کا یہ بیان ایک ایسے وقت میں سامنے آیا ہے، جب دونوں ممالک کے درمیان خطے میں شدید سیاسی اور فوجی کشیدگی پائی جاتی ہے اور دوسری جانب مذاکرات بھی جاری ہیں۔