غزہ کے بنیادی ڈھانچے کی مکمل تباہی کے شواہد سیٹلائٹ تصاویر کے ذریعے سامنے آگئے

جدید سیٹلائٹ تصاویر سے انکشاف ہوا ہے کہ غـزہ بھر میں اسرائیلی حملوں نے پورے رہائشی علاقوں، قبرستانوں، تعلیمی اداروں اور عوامی خدمات کے ڈھانچے کو مکمل طور پر ملبے کا ڈھیر بنا دیا ہے۔

سیٹلائٹ تصاویر سے یہ بات سامنے آئی ہے کہ غـزہ بھر میں اسرائیلی حملوں نے رہائشی علاقوں، قبرستانوں اور عوامی خدمات کے ڈھانچے کو زمین بوس کر دیا ہے۔

خان یونس کا شیخ محمد قبرستان مکمل طور پر مٹا دیا گیا ہے اور اس کی جگہ اسرائیلی فوج کے خیمے اور بکتر بند گاڑیاں موجود ہیں۔

رفح کے تل السلطان میں واقع سعودی محلے کے 752 رہائشی یونٹس پر مشتمل ہاؤسنگ اسٹیٹ کو برابر کر کے وہاں کے شہریوں کو نکال دیا گیا ہے اور اب اس علاقے کو فوجی چوکی میں تبدیل کر دیا گیا ہے۔

رفح میں ہی لگ بھگ ایک ہزار 300 لوگوں پر مشتمل ساحلی برادری کے سوڈش گاؤں کو اسرائیلی کیمپ میں بدل دیا گیا ہے اور وہاں کی ماہی گیری کی معیشت ختم کر دی گئی ہے۔

یہ بھی پڑھیں : اسرائیل کی لبنان میں زخمیوں کی مدد کرنے والے ریسکیو ورکرز پر حملوں پر تحقیقاتی رپورٹ جاری

بنی سہیلہ، عبسان اور الزنہ کے مشرقی رہائشی اضلاع کو فوجی سپلائی کے راستے بنانے کے لیے ملبے کا ڈھیر بنا دیا گیا ہے اور شہریوں کو خیموں کے بھیڑ بھاڑ والے کیمپوں میں جانے پر مجبور کیا گیا ہے۔

خان یونس میں غریب خاندانوں کے لیے 135 ملین ڈالر کی لاگت سے بنا حمد سٹی کا ہاؤسنگ پروجیکٹ جو 15 ہزار افراد کا گھر تھا، مکمل طور پر تباہ کر دیا گیا ہے، جس سے تمام خاندان بے گھر ہو گئے ہیں۔

تعلیمی ڈھانچے کو پہنچنے والے نقصان کے تحت 97 فیصد سے زائد اسکولوں کو نقصان پہنچا یا وہ تباہ ہو گئے ہیں، جبکہ غـزہ کی اسلامی یونیورسٹی اور الازہر یونیورسٹی کو بھی مسمار کر دیا گیا ہے۔

رفح اور خان یونس میں زرعی زمینوں اور گرین ہاؤسز کو تباہ کر کے مٹی کو کھود کر ہٹا دیا گیا ہے، جس سے 5 فیصد سے بھی کم زرعی زمین قابل استعمال بچی ہے اور یہ صورتحال غـزہ کو قحط کے دہانے پر دھکیل رہی ہے۔

اسرائیل ان تمام شہریوں کو اس جنگ بندی کے باوجود قتل کر رہا ہے، جس کا اعلان امریکی صدر ڈونلڈ ٹرمپ نے کیا تھا اور جو 10 اکتوبر سے نافذ العمل ہے۔ صدر ٹرمپ نے اس جنگ بندی کو نئے مشرق وسطیٰ کی ایک تاریخی صبح قرار دیا تھا۔