لاہور ہائیکورٹ نے جمعے اور ہفتے کی چھٹی کا نوٹیفکیشن واپس لے لیا

لاہور ہائیکورٹ نے صوبے کی عدلیہ میں جمعے اور ہفتے کی چھٹی کا نوٹیفکیشن واپس لے لیا ہے، جس کے بعد اب دونوں دن پرانی روٹین کے مطابق کام ہوگا۔

لاہور ہائیکورٹ نے 13 مارچ کو جاری کیا گیا جمعے اور ہفتے کی چھٹی کا نوٹیفکیشن منسوخ کر دیا ہے۔ چیف جسٹس لاہور ہائیکورٹ کی منظوری کے بعد رجسٹرار راجہ قمر الزمان نے اس حوالے سے نیا نوٹیفکیشن جاری کیا ہے۔

یہ بھی پڑھیں : سلطان محمد گولڈن کو کوئٹہ میں گنیز بک آف ورلڈ ریکارڈز کے سرٹیفکیٹس مل گئے

نئے فیصلے کے بعد اب ہائیکورٹ اور تمام ضلعی عدالتوں میں جمعہ اور ہفتہ کے روز معمول کے مطابق کام ہوگا۔ عدالت عالیہ اور ضلعی عدالتوں میں پرانی روٹین کے مطابق ہی تمام کیسوں کی سماعت کی جائے گی اور عدلیہ کے دفاتر کا عملہ بھی جمعے اور ہفتے کے روز دفاتر میں موجود رہ کر کام کرے گا۔

واضح رہے کہ اس سے قبل قومی بچت پالیسی کے تحت 11 مارچ کو عدلیہ میں جمعے اور ہفتے کی چھٹی کا نوٹیفکیشن جاری کیا گیا تھا، جسے اب واپس لے لیا گیا ہے۔