معروف گاڑی کی قیمت میں حیران کن کمی؛ ٹویوٹا کمپنی کا بڑا سرپرائز

ٹویوٹا انڈس موٹرز کمپنی نے ایک بار پھر اپنی مشہور ایس یو وی ٹویوٹا فورچیونر کے پیٹرول ورژنز کی قیمتوں میں بڑی کمی کا اعلان کیا ہے۔

کمپنی کی جانب سے اس پیشکش کو ’’35 ویں سالگرہ اسپیشل آفر‘‘ قرار دیا جا رہا ہے۔ تاہم آٹو انڈسٹری کے ماہرین کا کہنا ہے کہ ایک پریمیم گاڑی کی قیمت میں اتنی بڑی کمی غیر معمولی ہے اور اس کے پیچھے مارکیٹ میں طلب اور رسد کی صورتحال یا حکمت عملی میں تبدیلی ہو سکتی ہے۔

فورچیونر کے ’’G‘‘ پیٹرول ویریئنٹ کی قیمت میں 25 لاکھ 4 ہزار روپے کی کمی کی گئی ہے۔ اس کے بعد اس ماڈل کی نئی قیمت 1 کروڑ 49 لاکھ 39 ہزار روپے سے کم ہو کر 1 کروڑ 24 لاکھ 35 ہزار روپے ہو گئی ہے۔

اسی طرح فورچیونر کے ’’V‘‘ پیٹرول ویریئنٹ کی قیمت میں بھی نمایاں کمی کی گئی ہے۔ اس ماڈل کی قیمت میں 25 لاکھ 74 ہزار روپے کمی کے بعد نئی قیمت 1 کروڑ 49 لاکھ 35 ہزار روپے مقرر کی گئی ہے۔ اس سے قبل اس گاڑی کی قیمت 1 کروڑ 75 لاکھ 9 ہزار روپے تھی۔