ہونڈا سی جی 125 خریدنے والوں کیلئے اہم خبر؛ نئی قیمت سامنے آگئی

ہونڈا نے مئی 2026 کے لیے اپنی مشہور موٹر سائیکل ہونڈا 125 کی نئی قیمت جاری کر دی ہے۔

 کمپنی کی ویب سائٹ کے مطابق اس ماڈل کی قیمت 2 لاکھ 38 ہزار 500 روپے مقرر کی گئی ہے۔ یہ موٹر سائیکل اب مختلف نئے رنگوں میں دستیاب ہوگی جن میں نیلا، کالا اور سرخ شامل ہیں۔

ہونڈا 125 میں 4 اسٹرک او ایچ وی ایئر کولڈ انجن نصب ہے جو عام استعمال کے لیے بہتر کارکردگی فراہم کرتا ہے۔ اس کی ٹرانسمیشن 4 اسپیڈ کانسٹنٹ میش ہے۔ موٹر سائیکل میں 9.2 لیٹر کا فیول ٹینک دیا گیا ہے جس میں 2 لیٹر کا ریزرو شامل ہے۔ اسے کک اسٹارٹ سسٹم سے چلایا جاتا ہے اور اس کا وزن تقریباً 100 کلوگرام ہے۔

اس کی نشست کی اونچائی 764 ملی میٹر ہے جبکہ زمین سے اس کا کلیئرنس 132 ملی میٹر ہے۔ فرنٹ سسپنشن ٹیلی اسکوپک فورک پر مشتمل ہے جو 103 ملی میٹر ٹریول فراہم کرتا ہے۔ پچھلا سسپنشن سوئنگ آرم سسٹم پر ہے جو 68 ملی میٹر ٹریول رکھتا ہے۔ فرنٹ ٹائر کا سائز 2.50-18 (4 PR) اور ریئر ٹائر کا سائز 3.00-17 (6 PR) ہے۔

کمپنی نے موٹر سائیکل کے ساتھ وارنٹی پالیسی بھی واضح کر دی ہے۔ فریم، باڈی اور الیکٹریکل سسٹم کے لیے 6 ماہ یا 6000 کلومیٹر تک وارنٹی دی جائے گی، جبکہ انجن کے لیے 3 سال یا 20 ہزار کلومیٹر کی وارنٹی فراہم کی جائے گی، جو بھی پہلے مکمل ہو۔

وارنٹی صرف پہلے مالک کو دی جائے گی اور اس کے لیے ضروری ہے کہ موٹر سائیکل کی باقاعدہ سروس کمپنی کی ہدایات کے مطابق کروائی گئی ہو۔ کسی بھی قسم کی غیر معیاری تبدیلی یا پارٹس کے استعمال کی صورت میں وارنٹی ختم ہو جائے گی۔ کمپنی نے یہ بھی واضح کیا ہے کہ سروس شیڈول کی پابندی لازمی ہے، ورنہ کلیم منظور نہیں ہوگا۔

ماہرین کے مطابق ہونڈا 125 کی نئی قیمت اور وارنٹی پالیسی صارفین کے لیے ایک واضح اور بہتر رہنمائی فراہم کرتی ہے، جس سے خریداروں کا اعتماد مزید بڑھتا ہے۔