پیٹرول میں 50 فیصد کمی؛ حکومت کا بڑا اعلان

وفاقی حکومت نے کفایت شعاری پالیسی کے تحت وزراء کے لیے پیٹرول الاؤنس میں نمایاں کمی کر دی گئی ہے۔

وفاقی وزیر قانون اعظم نذیر تارڑ نے اس فیصلے کی تصدیق کرتے ہوئے کہا ہے کہ حکومتی اخراجات کم کرنے کے لیے مختلف اقدامات جاری ہیں۔ پہلے وفاقی وزراء کو ماہانہ 400 لیٹر پیٹرول کی سہولت حاصل تھی، تاہم اب اسے کم کر کے 200 لیٹر ماہانہ کر دیا گیا ہے۔ یہ اقدام سرکاری اخراجات میں کمی اور مالی نظم و ضبط کو بہتر بنانے کے لیے کیا گیا ہے۔

اعظم نذیر تارڑ کے مطابق حکومت کی کوشش ہے کہ غیر ضروری اخراجات میں کمی لائی جائے اور قومی خزانے پر بوجھ کم کیا جائے۔ کفایت شعاری مہم کے تحت مزید اقدامات بھی زیر غور ہیں تاکہ حکومتی وسائل کو بہتر انداز میں استعمال کیا جا سکے۔

وفاقی وزیر قانون نے کہا کہ اگر کسی کو 200 لیٹر پیٹرول کوٹے پر کوئی اعتراض ہے تو اس پر بات چیت کی جا سکتی ہے۔ تاہم حکومت پہلے ہی وزراء کو دی جانے والی مراعات میں واضح کمی کر چکی ہے۔

انہوں نے کہا کہ کفایت شعاری پالیسی کا مقصد صرف اخراجات میں کمی نہیں بلکہ اداروں کی کارکردگی کو بہتر بنانا بھی ہے۔ اس پالیسی کے تحت سرکاری وسائل کا درست استعمال یقینی بنایا جا رہا ہے۔