سوزوکی کلٹس کی نئی قیمت سامنے آگئی

پاکستان میں سوزوکی کلٹس خریدنے کے خواہشمند افراد کے لیے نئی مالیاتی تفصیلات سامنے آ گئی ہیں۔

 پاک سوزوکی کی تازہ فنانسنگ پالیسی میں کلٹس کے تمام ویریئنٹس کی قیمتیں، ٹیکس کے بعد مجموعی لاگت اور دیگر اہم معلومات جاری کی گئی ہیں۔ اس سے خریداروں کو گاڑی خریدنے سے پہلے اپنے بجٹ کا بہتر اندازہ لگانے میں مدد ملے گی۔

کمپنی کی جانب سے جاری تفصیلات کے مطابق سوزوکی کلٹس VXR کی ایکس فیکٹری قیمت 40 لاکھ 89 ہزار 490 روپے مقرر کی گئی ہے۔ فائلر صارفین کے لیے ودہولڈنگ ٹیکس 40 ہزار 895 روپے جبکہ نان فائلرز کے لیے 1 لاکھ 22 ہزار 685 روپے ہوگا۔ اس طرح فائلرز کے لیے گاڑی کی مجموعی قیمت تقریباً 41 لاکھ 30 ہزار 385 روپے بنتی ہے، جبکہ نان فائلرز کو یہی گاڑی تقریباً 42 لاکھ 12 ہزار 175 روپے میں پڑے گی۔

دوسرا ویریئنٹ سوزوکی کلٹس VXL ہے، جس کی ایکس فیکٹری قیمت 43 لاکھ 59 ہزار 160 روپے رکھی گئی ہے۔ ٹیکس شامل کرنے کے بعد فائلر خریداروں کے لیے اس کی مجموعی قیمت 44 لاکھ 2 ہزار 752 روپے ہو جاتی ہے، جبکہ نان فائلرز کو اس کے لیے 44 لاکھ 89 ہزار 935 روپے ادا کرنا ہوں گے۔

کلٹس کا سب سے مہنگا ویریئنٹ سوزوکی کلٹس AGS ہے۔ اس کی ایکس فیکٹری قیمت 45 لاکھ 91 ہزار 460 روپے مقرر کی گئی ہے۔ ودہولڈنگ ٹیکس شامل ہونے کے بعد فائلرز کے لیے اس کی مجموعی قیمت 46 لاکھ 37 ہزار 375 روپے جبکہ نان فائلرز کے لیے 47 لاکھ 29 ہزار 204 روپے بنتی ہے۔

پاک سوزوکی نے صارفین کے لیے ایک اضافی سہولت بھی متعارف کروائی ہے۔ کمپنی کے مطابق خریدار 28 ہزار روپے اضافی ادا کرکے اپنی گاڑی کی وارنٹی کو چار سال تک بڑھوا سکتے ہیں۔ یہ آپشن ان صارفین کے لیے فائدہ مند ہو سکتا ہے جو طویل مدت تک گاڑی استعمال کرنے کا ارادہ رکھتے ہیں اور مرمت کے اخراجات سے بچنا چاہتے ہیں۔

دوسری جانب کمپنی نے واضح کیا ہے کہ اگر کوئی صارف گاڑی بینک یا لیزنگ کمپنی کے ذریعے فنانس کروانا چاہتا ہے تو ڈاؤن پیمنٹ، ماہانہ اقساط، شرح منافع (مارک اپ) اور فنانسنگ کی دیگر شرائط ہر مالیاتی ادارے میں مختلف ہو سکتی ہیں۔