ایران کیخلاف آپریشنز کے باعث امریکہ کو تزویراتی ذخائر کی شدید قلت کا سامنا

خفیہ رپورٹ کے مطابق امریکہ نے فرانس اور دیگر اتحادیوں کو مطلع کیا ہے کہ ایران کے خلاف جاری آپریشنز نے اس کے تزویراتی ہتھیاروں کے ذخائر کو خطرناک حد تک کم کر دیا ہے۔

فرانسیسی اخبار لی فیگارو کی ایک تازہ رپورٹ کے مطابق، امریکہ نے خفیہ طور پر فرانس کو مطلع کیا ہے کہ ایران کے خلاف حالیہ شدید فوجی آپریشنز کے بعد اسے گولہ بارود اور تزویراتی ہتھیاروں کی شدید ترین قلت کا سامنا ہے۔ تزویراتی ہتھیاروں کے ذخائر اس حد تک ختم ہو چکے ہیں کہ انہیں دوبارہ بھرنے میں کئی سال لگ سکتے ہیں۔

سینٹر فار اسٹریٹجک اینڈ انٹرنیشنل اسٹڈیز نے خبردار کیا ہے کہ اگر اگلے چند سالوں میں چین یا روس کے ساتھ کوئی اور تنازع شروع ہوتا ہے تو امریکہ کے پاس لڑنے کے لیے ضروری ساز و سامان موجود نہیں ہوگا۔

اعداد و شمار کے مطابق، ایران کے خلاف آپریشن میں امریکہ نے اپنے پچاس فیصد پیٹریاٹ اور تھاڈ میزائل، تیس فیصد ٹوما ہاک میزائل اور نصف کے قریب درست ہدف کو نشانہ بنانے والے تزویراتی میزائل استعمال کر لیے ہیں۔

یہ بھی پڑھیں : ایران نے امریکہ کا ناقابل تسخیر ہونے کا بھرم مٹی میں ملا دیا

چینی تجزیہ کاروں کا کہنا ہے کہ یہ صورتحال امریکی صنعتی ڈھانچے کی ناکامی کا نتیجہ ہے، جو صرف لالچ اور منافع پر مبنی ہے اور اس میں طویل جنگ لڑنے کی صلاحیت نہیں ہے۔

وال اسٹریٹ جرنل کے مطابق، یہ بحران اس سے کہیں زیادہ سنگین ہے جتنا کہ وائٹ ہاؤس تسلیم کر رہا ہے۔ راکٹ موٹرز، کاسٹنگ، فورجنگ اور دیگر ضروری آلات فراہم کرنے والے سپلائرز کی کمی کی وجہ سے پیداوار میں تیزی لانا ناممکن ہو گیا ہے۔

اس تزویراتی قلت کا ایک پہلو عام شہریوں کے لیے گولہ بارود کی قلت سے بھی جڑا ہے جو 2020 کی وباء اور سیاسی عدم استحکام کے بعد سے جاری ہے۔

ماہرین کے مطابق، امریکی جنگی مشین اب محض ایک کھوکھلا ڈھانچہ رہ گئی ہے، جو صرف پروپیگنڈے کے سہارے کھڑی ہے، جبکہ حقیقت میں وہ اپنے دفاع کے لیے بھی اتحادیوں کی محتاج ہو چکی ہے۔