پاکستان میں سونے کی قیمت تاریخی بلندی پر پہنچ گئی

ملک میں فی تولہ سونے کی قیمت مزید اضافے کے بعد تاریخ کی بلند ترین سطح پر پہنچ گئی ہے۔

بین الاقوامی نرخوں میں اضافے کے بعد پاکستان میں سونے کے نرخ بھی بڑھ گئے ہیں،  مقامی صرافہ مارکیٹوں میں 24 قیراط کے حامل فی تولہ سونے کا بھاؤ ایک روز میں 1100 روپے اضافے کے بعد 3 لاکھ 14 ہزار 800 روپے کا ہوگیا۔

آل پاکستان جیمز اینڈ جیولرز صرافہ ایسوسی ایشن) کے مطابق 24 قیراط کے حامل 10 گرام سونے کی قدر 943 روپے اضافے کے بعد 2 لاکھ 69 ہزار 890 روپے ہوگئی۔

واضح رہے کہ ہفتے کے روز پاکستان میں سونے کی فی تولہ قیمت میں 300 روپے کی کمی ریکارڈ کی گئی تھی۔

یہ بھی پڑھیں: کرپٹو کرنسی کو کیسے استعمال کیا جائے؟ طریقہ جانئے

دوسری جانب پیر کے روز سونے کے بین الاقوامی نرخ میں بھی اضافہ ہوا، دن کے دوران 13 ڈالر کے اضافے سے سونے کے دام 2997 ڈالر فی اونس مقرر کیے گئے ہیں۔

اس کے علاوہ صرافہ ایسوسی ایشن نے بتایا کہ  ملک میں چاندی کی فی تولہ قیمت 3 ہزار 530 روپے پر مستحکم رہی۔