پی ٹی آئی چئیرمین کی گرفتاری، ہم عدالتی فیصلے کومسترد کرتے ہیں: شاہ محمود قریشی

05 اگست, 2023 14:01

پی ٹی آئی چئیرمین کی گرفتاری، ہم عدالتی فیصلے کومسترد کرتے ہیں: شاہ محمود قریشی

پی ٹی آئی کے مرکزی رہنما شاہ محمودنے پی ٹی آئی چئیرمین کی گرفتاری کی مذمت کرتے ہوئے کہا کہ توشہ خانہ کیس کے فیصلے کا سن کر افسوس ہوا، ہمیں جج صاحبان سے انصاف کی توقع نہیں تھی۔

رہنما پی ٹی آئی شاہ محمود قریشی نے جی ٹی وی سے گفتگو کرتے ہوئے کہا کہ عدالتی فیصلے کو میں اور پی ٹی آئی قیادت مسترد کرتی ہے، انصاف کے تقاضے پورے ہوتے ہوئے نظر نہیں آرہے،ہمارے پاس لیگل آپشن موجود ہے، وکلا سے مشاورت کے بعد لائحہ عمل طے کیا جائیگا۔

شاہ محمود نے کہا کہ فیصلے سے پہلے ہی پولیس زمان پارک پہنچ گئی،پولیس کو کیسے پتا چلا کہ یہ فیصلہ آنے والا ہے، لگتا تو یہی ہے کہ یہ سب پہلے سے طے شدہ تھا۔