نیو کراچی میں آتشزدگی کے باعث فیکٹری منہدم

کراچی کے علاقے نیو کراچی میں گارمنٹس فیکٹری آتشزدگی کے باعث منہدم ہوگئی ہے۔  

ذرائع کے مطابق نیو کراچی انڈسٹریل ایریا میں واقع تین منزلہ الزیب نامی فیکٹری کے گراونڈ فلور پر صبح سات بجے آگ لگی، ابتدائی طور پر دو گاڑیاں بھیجی گئیں لیکن آگ کی شدت بڑھنے پر مزید گاڑیاں طلب کی گئیں۔

مجموعی طور پر 15 فائر ٹینڈر اور اسنارکل آگ پر قابو پانے کی کوشش کررہی تھیں کہ اسی دوران پوری عمارت دھماکے سے منہدم ہوگئی۔

فیکٹری کی عمارت گرتے ہی زور دار دھماکا ہوا جس کے باعث نجی ٹی کا کیمرہ مین اور 6 فائر فائٹرز زخمی ہوگئے ہیں۔

عینی شاہدین کا کہنا ہے کہ عمارت گرنے کے فوراً بعد زور دار دھماکے کی آواز سنائی دی جس سے علاقے میں شدید خوف و ہراس پھیل گیا۔ حادثے کے نتیجے میں فائربریگیڈ اور ریسکیو ٹیم کے کئی اہلکار ملبے تلے دب گئے۔