ایران کا امریکی ساختہ مصنوعی ذہانت کا واشنگٹن کے ہی خلاف کامیاب اور مؤثر استعمال

ایران واشنگٹن کے خلاف اپنی سائبر اور معلوماتی جنگ کی صلاحیتوں کو بڑھانے کے لیے چیٹ جی پی ٹی اور جیمنی جیسے امریکی مصنوعی ذہانت کے سافٹ ویئر کا استعمال کر رہا ہے۔

فنانشل ٹائمز کی ایک رپورٹ کے مطابق ایران میں اب کمپیوٹر وائرس پہلے سے کہیں زیادہ تیزی سے تیار کیے جا رہے ہیں اور مصنوعی ذہانت کی مدد سے ایران ایک ہی وقت میں کئی اہداف پر سائبر حملے کر رہا ہے۔

دھوکہ دہی پر مبنی پیغامات یعنی فشنگ میسجز اب عبرانی، عربی اور انگریزی زبانوں میں لکھے جا رہے ہیں، جنہیں ثقافتی پس منظر کے مطابق اس طرح تیار کیا جاتا ہے کہ وہ بالکل اصلی لگیں۔

یہ بھی پڑھیں : یو اے ای نے دوران جنگ امریکہ اور اسرائیل کے ساتھ مل کر ایران پر حملے کیئے، رپورٹ

مصنوعی ذہانت کے ذریعے طویل مدتی فرضی شناخت، ان کے پس منظر اور رویے کے نمونے تیار کیے جا رہے ہیں تاکہ ہدف بنائے گئے افراد کا اعتماد حاصل کیا جا سکے۔

معلومات اکٹھی کرنے کے نظام کو بھی مصنوعی ذہانت کی مدد سے ترجمہ، تجزیہ اور تکنیکی و فوجی ڈیٹا کے خلاصے بنا کر بہتر کیا گیا ہے۔

اس کے علاوہ سوشل میڈیا کے لیے پروپیگنڈا ویڈیوز اور میمز بنانے کے لیے بھی مصنوعی ذہانت استعمال ہو رہی ہے۔ ایرانی سرکاری اکاؤنٹس بھی مصنوعی ذہانت سے تیار کردہ ایسی ویڈیوز پوسٹ کر رہے ہیں، جن میں امریکی صدر ڈونلڈ ٹرمپ کا مذاق اڑایا گیا ہے۔

ایران ڈرونز، میزائلوں اور الیکٹرانک جنگی نظام میں بھی اے آئی کے تجربات کر رہا ہے۔ ماہرین کے مطابق ایران ایک جدید ترین آلات رکھنے والی قوم ہے، جو بہترین نتائج حاصل کرنے کے لیے ہر ممکن قیمت ادا کرے گی۔ اس طرح ایران سلیکون ویلی کے اپنے ہی تیار کردہ آلات کو استعمال کر رہا ہے۔