کانگریس سمیت پورا امریکی نظام میرے مکمل کنٹرول میں ہے، نیتن یاہو کا 1980 کا انٹرویو وائرل

اسرائیلی وزیر اعظم نیتن یاہو کا ایک پرانا انٹرویو وائرل ہوا ہے، جس میں انہوں نے فخر سے اعتراف کیا تھا کہ امریکی کانگریس اور یہودی لابی ان کے مکمل کنٹرول میں ہیں۔

اسرائیلی وزیر اعظم نیتن یاہو نے 1980 کی دہائی میں دیئے گئے ایک انٹرویو کے دوران کھلم کھلا اس بات کا اعتراف کیا تھا کہ امریکہ کی سیاست اور پالیسیوں پر اسرائیل کا کتنا گہرا اثر و رسوخ ہے۔

انہوں نے واضح الفاظ میں کہا تھا کہ امریکی سینیٹ، کانگریس اور امریکہ میں موجود ریکارڈ ساز یہودی لابی مکمل طور پر اسرائیل کے ساتھ کھڑی ہے اور وہ امریکہ میں عوامی حمایت کو اپنی مرضی کے مطابق استعمال کرنے کی بھرپور طاقت رکھتے ہیں۔

یہ بھی پڑھیں : اسرائیل کی وجہ سے ہی امریکی تہذیب کا وجود قائم ہے، نیتن یاہو کا دعویٰ

اسرائیل کے سیاسی اداکار امریکی قانون سازوں، لابی گروپوں اور عوامی رائے عامہ کے ساتھ احتیاط سے بنائے گئے تعلقات کے ذریعے ہمیشہ امریکی پالیسیوں کو اپنے حق میں موڑتے رہے ہیں۔

اگرچہ کئی دہائیاں گزرنے کے بعد اب امریکہ کے عام لوگوں میں اسرائیل کے لیے وہ پہلی جیسی ہمدردی اور اثر و رسوخ کمزور پڑ چکا ہے اور امریکی عوام کی سوچ بدل رہی ہے۔

لیکن اس کے باوجود امریکی سیاست کے اندر اسرائیلی لابی کا نیٹ ورک اور اثر و رسوخ ڈالنے کا پورا ڈھانچہ نہ صرف اپنی جگہ موجود ہے بلکہ وہ ماضی کے مقابلے میں امریکی سیاست کے اندر اب اور زیادہ مضبوط اور گہرا ہو چکا ہے، جس کی وجہ سے امریکی حکومتیں اسرائیل کے مفادات کے خلاف کوئی بھی فیصلہ کرنے سے قاصر نظر آتی ہیں۔