رمضان سے قبل سرکاری ملازمین کیلئے بڑی خوشخبری آگئی

رمضان سے قبل سرکاری ملازمین کیلئے بڑی خوشخبری آگئی ہے۔

رمضان المبارک کی آمد سے قبل خیبرپختونخوا حکومت نے سرکاری ملازمین کے لیے بڑی خوشخبری سنادی ہے۔ محکمہ خزانہ نے تمام محکموں اور اداروں کو ہدایت جاری کردی ہے کہ ملازمین کی تنخواہیں اور پنشن 28 فروری تک جاری کردی جائیں۔

خیبرپختونخوا کے محکمہ خزانہ نے تمام محکموں اور اداروں کے سربراہان کو مراسلہ جاری کیا ہے، جس میں کہا گیا ہے کہ یکم اور 2 مارچ کو سرکاری چھٹیوں کے باعث تنخواہیں ایک روز قبل یعنی 28 فروری کو جاری کی جائیں گی۔

یاد رہے کہ رمضان المبارک کا چاند دیکھنے کے لیے مرکزی رویت ہلال کمیٹی کا اجلاس 28 فروری کو طلب کیا گیا ہے۔ ماہرین فلکیات کے مطابق پاکستان میں رمضان المبارک کا چاند 28 فروری یا یکم مارچ کو نظر آسکتا ہے۔ اس طرح یکم رمضان المبارک یکم مارچ یا 2 مارچ کو ہوگا۔