شہرِ قائد کے بجلی صارفین کیلئے اچھی خبر

اسلام آباد: شہرِ قائد کے بجلی صارفین کیلئے اچھی خبر آگئی ہے۔

کے الیکٹرک صارفین کیلئے بجلی 4 روپے 95 پیسے فی یونٹ سستی ہونے کا امکان ہے، کے الیکٹرک کی جانب سے بجلی کی قیمتوں میں کمی کی نیپرا کو درخواست دی گئی۔

نیپرا اتھارٹی کے الیکٹرک کی درخواست پر کل  سماعت کرے گی، منظوری کی صورت میں صارفین کو 4 ارب 94 کروڑ روپے کا ریلیف ملے گا۔

کے الیکٹرک نے کمی کی درخواست فیول پرائس ایڈجسٹمنٹ کی مد میں دائر کر رکھی ہے، نیپرا اتھارٹی درخواست پر سماعت کے بعد حتمی فیصلہ جاری کرے گی۔