پاک فوج کی شانگلہ اور بونیر میں امدادی کارروائیاں جاری

پاک فوج کی شانگلہ اور بونیر میں امدادی کارروائیاں جاری ہیں۔

تفصیلات کے مطابق سیلاب زدہ علاقوں میں پاک فوج کی امدادی کارروائیاں مسلسل جاری ہیں، امدادی ٹیموں نے بونیر اور شانگلہ میں سیلاب متاثرین میں راشن تقسیم کیا۔

امدادی ٹیموں نے کھانے پینے کی اشیا اور دیگر اشیائے زندگی تقسیم کیں جبکہ پاک فوج کی میڈیکل ٹیموں نے متاثرین علاقہ کا طبی معائنہ بھی کیا۔

اہل علاقہ نے پاک فوج کی کاوشوں کو سراہتے ہوئے شکریہ ادا کیا، متاثرین کی بحالی تک پاک فوج کی امدادی کارروائیاں جاری رہیں گی۔