بھارت کے لیجنڈری اداکار جیتندر سے متعلق تشویشناک خبر آگئی

بالی ووڈ کے سینئر اداکار جیتندر ممبئی میں مرحومہ اداکارہ زرین خان کی تعزیتی تقریب میں شرکت کے لیے آتے ہوئے سیڑھیوں سے گرگئے۔   

جیتندر جیسے ہی گاڑی سے اترے اور تقریب کے داخلی راستے کی طرف بڑھے تو اچانک ان کا توازن بگڑ گیا۔ وہ سیڑھیوں سے گر گئے۔ وہاں موجود افراد نے فوری طور پر ان کی مدد کی اور انہیں سہارا دے کر اٹھایا۔ خوش قسمتی سے انہیں کوئی بڑی چوٹ نہیں آئی۔

واقعے کے فوراً بعد تقریب میں موجود لوگوں نے ان کی خیریت دریافت کی۔ چند لمحوں کے بعد جیتندر نے خود کو سنبھالا اور اطمینان دلایا کہ وہ ٹھیک ہیں۔ تاہم سوشل میڈیا پر ان کے مداحوں نے گہری تشویش کا اظہار کیا اور ان کی صحت یابی کے لیے دعائیں کیں۔

चलते-चलते अचानक गिर पड़े जितेंद्र

जरीन खान की प्रार्थना सभा में श्रद्धांजलि देने पहुंचे अभिनेता जितेंद्र अचानक सीढ़ियों से टकराए और लड़खड़ाकर गिर पड़े. गनीमत रही कि उन्हें चोट नहीं लगी. वीडियो देख फैन्स की निकली आह.#Jeetendra pic.twitter.com/Y8pBUOgQnd

— NDTV India (@ndtvindia) November 11, 2025

یاد رہے کہ یہ تعزیتی تقریب معروف اداکار و فلم ساز سنجے خان کی اہلیہ زرین خان کے انتقال کے بعد منعقد کی گئی تھی۔ زرین خان طویل علالت کے بعد 7 نومبر کو 81 برس کی عمر میں انتقال کر گئی تھیں۔

اس موقع پر بالی ووڈ کی کئی نامور شخصیات نے شرکت کی جن میں رانی مکھرجی، ریتھک روشن، صبا آزاد، علی گوئی اور جیسمین بھاسن شامل تھیں۔